احمد وخالد وحكيم يقفون عند مفرق طريقين بجوار مدرسة الفتيات(حال كل الشباب اللي لا عندهم لا شغله ولا مشغله غير البحلقه في البنات والضحك عليهم)
حدث خالد اصدقائه:( يا شباب زهقت من البنات تلاقي الوحده من كلمة تشبط فيك وتفتكر انك هتموت عليها..وانت بتعاملها زي اختك..فعلا بيصعبو عليا ساعات )
احمد: (يا ابني ضيع وقتك ..انا مقضيها بنات ولما بزهق بغير الخط ...بي ايزي)
حكيم :( الحياة من غير بنات ولا تسوى ....اهو تكسب فيهم ثواب....(دا الطيب فيهم)
..........................................
*المشهد الثاني*
سارة ومروة وسمر في الباحه الخلفية للمدرسه هروبا من احدى الحصص الممله (حال كل البنات اللي دستورهم في الحياة : زغرتي يا انشراح ما اللي راح راح.
ساره بتأمل: يا ترى خوختي (خالد) بيعمل ايه دلوقتي؟
مروة: تلاقيه بيفكر فيكي .اكيد عشان زعلانين من بعض امبارح ...صالحيه يا بنتي حرام عليكي .(السوسه)
سمر : انا حبيبي ما يقدرش يستنى دقيقه من غير ما يصالحني.
ساره :خلاص هكلمه
هي:. . . الو
هو: نعم
هي: ازيك يا خوختي
هو: عايش...وانتي؟
هي : حبيبي انت لسه زعلان مني (+دمعتين) انا اسفه يا قلبي مش قصدي ازعلك
هو : روحي خلاص ما تدمعيش انا مش زعلان
....................................................
*المشهد الثالث *
خالد: اووف البت دي بارده بجد...بزعلها وبترجع تصالحني عايز اخلص منها بأه
احمد: طنش يا صاحبي وكبر دماغك اقفل ف وشها والا غير الخط
حكيم: لا عيب عليك بعد ما علقت البت بيك تسيبها ....صارحها بمشاعرك واخلص(مش بقولوكو دا الطيب فيهم I: او على رأي الشباب "عيل سيس"...)
.................................................
*المشهد الرابع*
ساره في غرفتها بتسمع (مصدوووووووووووووومه بجد ومش ....ترن ترن
ساره : الو
مروة : ازيك يا حبيبتي عامله ايه
ساره : شفتي اللي حصل فيا
مروة: خير
ساره : تهر بالبكاء
(سابني يا رورو وما بقاش بيرد على موبايله)
(سابني يا رورو وما بقاش بيرد على موبايله)
مروة : يا حبيبتي دا واحد زباله ولا يهمك فيه انسيه
ساره : ما قدرش يا رورو اصلك مشعارفه هوا كان ايه بالنسبالي
مروة : حبيبتي بكره تلاقي اللي احسن منه
ساره : لا مفيش (اهئ اهئ ....الخ)
مروة : انا هديك رقم واحد امور ويسوى عشره من الزباله اللي سابك ده ....(مش بقولكو سوسه
ساره : اوك ميرسي يا رورتي مشعارفه من غيرك كنت هعمل ايه
مروة : انتي تؤمري يا قمر
ملحوظه: المشهد دا خير مثال للمقوله الشهيره :( الصديق وقت الضيق)
.............................................
*المشهد الخامس*
المرادي انا هتكلم بأه @:
طبعا الشخصيات اللي في البوست دا شخصيات حقيقيه باسماء وهميه حفظا للخصوصيه
مشاهد ممكن تشوفها لاول مره في طريقك نحو البلوغ وممكن تستنكرها .. هيحسسوك وقتها انك غريب وممكن مجنون .. ما تقلقش دا العادي
واخيرا وليس اخرا هقول لكل الشباب والبنات
( ارحمونا وارحموا نفسكو بأه -_-)
gamda awy hhhhhhhhhhhhhhhhhhhhhhhhhhhhhhhh
ردحذفواااااااااااو حسه هالقصه مش غريبه عليا ابدعتي
ردحذف